انتقد سيد عبد الحفيظ, مدير الكرة السابق بالنادي الاهلي, اداء مارسيل كولر, المدير الفني للنادي الاهلي خلال لقاء الاهلي والزمالك والذي اقيم مساء اليوم وانتهى بالتعادل 1-1 ضمن مباريات الاسبوع 15 للدوري المصري الممتاز.
وفشل النادي الاهلي في الحفاظ على تقدمه بهدف براس الوافد الجديد اشرف بن شرقي والذي احرزه في الدقيقة 72 بعد نزوله بديلا في الدقيقة 60, حيث استطاع بنايك احراز هدف التعادل للزمالك في الدقيقة 84 لتتهي المباراة بالتعادل.
سيد عبد الحفيظ ينتقد كولر:
وعلق عبد الحفيظ على التشكيلة التي بدأ بها كولر المباراة والتي راها عبد الحفيظ تشكيلة غريبة ولا تخدم اهداف الاهلي في المباراة ولا تعكس تفوقه قبل المباراة.
وقال عبد الحفيظ: "انا ليه ألعب بـ اكرم وكوكا ، الطرفين لازم قدام الزمالك يطيروا ، مفيش لعيبة طيارة في الزمالك عشان تقلق منهم ، الزمالك معندوش سرعات تأذيك ، التحفظ كان مبالغ بيه اوي ، كان لازم تلعب بـ هاني والدبيس ، اول 25 دقيقة الزمالك قلقان منك دا انا مشوفتش الشناوي كان لازم تستغل كل دا ، النهاردة فرطنا في مكسب الصراحة"
وأضاف عبد الحفيظ: " النهاردة الاهلي ضيع الفوز والنتايج في الدوري مش افضل حاجة وحصل تعادل في ٦ ماتشات وفيه اسباب مختلفة من ضمنها كولر لكن مينفعش نشيل الراجل كل حاجة الراجل مدرب كبير وكسب الزمللك اربع ماتشات ورا بعض بمجموع ١١-١، اه حصل تراجع في ماتشات الزمالك الاخيرة لكن مش عايزين نضخم الموضوع ولا نضخم التعادل، الاهلي لسة هيقابل بيراميدز ولو كسب هيبقى الفرق نقطة ولسة هيقابل الزمالك تاني، الفكرة في الزمالك لو اتعثر اي ماتش جاي هيبقى بعد عن المنافسة بشكل كبير لان بينه وبين الاهلي ٥ نقطة ولو بيراميدز كسب الفرق هيوصل تمن نقط وساعتها الموضوع هيبقى صعب جدا"
وكان الاهلي قد بدأ مباراة الزمالك بتشكيل يضم كل من:
- حراسة المرمى: محمد الشناوي.
- خط الدفاع: رامي ربيعة - اشرف داري - اكرم توفيق - احمد نبيل كوكا.
- خط الوسط: احمد رضا - مروان عطية - امام عاشور.
- خط الهجوم: حسين الشحات - جراديشار - محمد عبد الله.
قبل ان يجري كولر مجموعة من التغييرات المتأخرة كالعادة حيث شارك اشرف بن شرقي بدلا من الناشئ محمد عبد الله, ثم اجرى الاهلي تغييرين اخرين بنزول كريم الدبيس ووسام ابو عل بدلا من حسين الشحات وجراديشار.