هاجم النجم المصرى محمد ابو تريكة لاعب النادى الاهلى و منتخب مصر السابق و محلل
قنوات بى ان سبورت دخول لاعبى منتخب اوكرانيا لملعب مباراة فريقهم امام بلجيكا فى
الجولة الثالثة من دور المجموعات ليورو 2024 بعلم بلادهم.
و قال ابو تريكة فى تصريحات عبر قناة بى ان سبورت : "بينزلوا بالاعلام عادى اهو
.. و احنا لو حد عندنا مسك العلم الفلسطينى و راح ملعب يتسجن .. اه يا عالم
منافقين".
شاهد تصريحات ابو تريكة
و تابع ابو تريكة : "العالم كله مع اوكرانيا .. اسلحة و مساعدات مالية ..
اوكرانيا بتفكرنا بخيبتنا كعرب .. لأن احنا سيبنا ناس بقالهم 263 يوم بيبادوا و
يقتلوا .. و يقولك مفيش سياسة فى الرياضة .. اومال دول بيعملوا ايه .. دى كدبة و
احنا صدقناها".
و واصل ابو تريكة : "احنا مش هنسكت .. الناس بتباد و تقتل و تجوع .. فى ناس بتاكل
ورق الشجر و تحط احجار على بطونها لأنها مش لاقية تاكل".
و اختتم ابو تريكة : "انا عايز اوكرانيا تخرج لأنها بتفكرنى بخيبتى انى ماساعدتش
اخواتى ولا وقفت جنبهم و بنفاق المجتمع الدولى و الرياضى .. الكيان الصهيونى عنده
استثناءات و هيشارك فى الاولمبياد .. اومال الفلسطينيين ايه ؟؟ عشان مش شعرهم
اصفر او عينيهم خضر".